أشياء أساسية لا تشري السيارة بدونها: دليل الفحص السريع!

 

السلام عليكم.. كثير منا يروح للمعارض وينغش بلمعة البدي، لكن "المخفي" أعظم. اليوم بختصر عليكم فحص السيارة في 3 نقاط أساسية، لو نجحت فيها توكل على الله، ولو رسبت في وحدة منها "انحش" من الموتر.

1. الشاصي (أساس التوازن):

أول وأهم شي هو "قص الشاصي" أو الضربات القوية فيه.

• ليش؟ الشاصي هو هيكل السيارة؛ لو كان مقصوص أو فيه ضربة قوية وتعدل، السيارة مستحيل تمشي بخط مستقيم، بتلقاها "تمشي على جنب" وتتعبك في وزن الأذرعة وتآكل الكفرات، وهذا خطر جداً على السلامة.

2. القير (العصب الحركي):

لازم تجرب القير في كل الأوضاع:

• القير الأوتوماتيك: لو حسيت بـ "نتعة" (دقة) قوية مع التعشيق، أو تأخير في الاستجابة، يعني القير مضروب.

• القير العادي: لو لقيت العصا فيها "فضاوة" كبيرة وتلعب بيدك، أو الغيارات ما تعشق بسلاسة، هذا يعني القير مهلوك ومشاكله قريبة.

3. المكينة (القلب النابض):

فحص المكينة بالنظر يحتاج "فراسة"، وهذه طريقتي:

• حالة الفك: تأكد إن مسامير المكينة ما عليها آثار فك واضحة، المكينة اللي ما قد انفكت دايم أضمن.

• اختبار غطاء الزيت (المهم جداً): والسيارة شغالة وحامية، فك غطاء الزيت:

• دخان طالع: إذا شفت دخان (تبخير) واضح، اهرب! هذي علامة إن المكينة "مبوشة" وقربت تودع.

• ترسبات سوداء (مثل التراب): لو لقيت سواد أو كربون متجمع داخل الغطاء، هذا معناه إن الزيت يتبخر والمكينة مجهدة جداً وبتحتاج توضيب قريب.